Massimiliano Allegri bu mavsumda "Yuventus"ni A Seriyaning favoriti deb hisoblamaydi.
"Asosiy sabab, "Yuventus" o‘tgan mavsumni uchinchi o‘rinda yakunladi. "Napoli" amaldagi chempion, shuning uchun ular favorit. "Inter" kuchli jamoa.
"Yuventus" o‘z vektorini kuzatib bormoqda. Bizda yosh futbolchilar ko‘p. "Milan"ga qarshi 2005 yilda tug‘ilgan yigit debyut qildi (2-bo‘limda zaxiradan maydonga tushgan Din Xasen - muallif). 2005-yilda tug‘ilgan yana uch nafar, 2003 yilda tug‘ilgan ikki nafar futbolchi bor. Hatto Vlaxovich 2000 yilda tug‘ilgan.
Bu jamoani katta kelajak kutmoqda, ammo bizga sabr kerak. Kelasi mavsum Chempionlar ligasida o‘ynash uchun kuchli to‘rtlikka kirishimiz kerak.
Maoshga kelsak, bu shartnoma imzolashda muhim bo‘lsa kerak, ammo biz bundan xavotirda emasmiz" - dedi “Yuventus” bosh murabbiyi.
9-turdan keyin “Yuventus” A Seriya turnir jadvalida peshqadam “Inter”dan 2 ochko ortda qolib, 3-o‘rinda bormoqda.
