Массимилиано Аллегри бу мавсумда "Ювентус"ни А Сериянинг фаворити деб ҳисобламайди.

"Асосий сабаб, "Ювентус" ўтган мавсумни учинчи ўринда якунлади. "Наполи" амалдаги чемпион, шунинг учун улар фаворит. "Интер" кучли жамоа.

"Ювентус" ўз векторини кузатиб бормоқда. Бизда ёш футболчилар кўп. "Милан"га қарши 2005 йилда туғилган йигит дебют қилди (2-бўлимда захирадан майдонга тушган Дин Хасен - муаллиф). 2005-йилда туғилган яна уч нафар, 2003 йилда туғилган икки нафар футболчи бор. Ҳатто Влахович 2000 йилда туғилган.

Бу жамоани катта келажак кутмоқда, аммо бизга сабр керак. Келаси мавсум Чемпионлар лигасида ўйнаш учун кучли тўртликка киришимиз керак.

Маошга келсак, бу шартнома имзолашда муҳим бўлса керак, аммо биз бундан хавотирда эмасмиз" - деди “Ювентус” бош мураббийи.

9-турдан кейин “Ювентус” А Серия турнир жадвалида пешқадам “Интер”дан 2 очко ортда қолиб, 3-ўринда бормоқда.