Parij Olimpiadasi 2-saralash bosqichi oldidan matbuot anjumani o‘tkazildi.

O‘zbekiston ayollar terma jamoasi bosh murabbiyi Midori Honda unda ishtirok etdi va o‘z fikrlarini bildirdi. 

«Osiyo o‘yinlaridan so‘ng bir oyga yaqin vaqt davomida yig‘in o‘tkazdik. Yaponiya va Vyetnam singari kuchli terma jamoalarga qarshi bahs olib borishdan xursandmiz.

So‘nggi yillarda jamoamiz o‘sishga erishdi va muxlislarimizdan bizni qo‘llab-quvvatlab turishlarini so‘rayman. O‘zbekiston terma jamoasimi yuqori darajaga olib chiqishda davom etamiz», – dedi murabbiy.

Futbolchi Lyudmila Karachik ham o‘z fikrlari bilan bo‘lishdi.

«Bizning asosiy maqsadimiz Olimpiadaga yo‘l olish va buning uchun bor imkoniyatimizni ishga solamiz. Men va barcha jamoadoshlarim ertangi uchrashuvga tayyormiz», – dedi u.