«Real Madrid» futbolchilari Jud Bellingem va Xoselu Ispaniya chempionati doirasida kelasi shanba kuni safarda bo‘lib o‘tadigan «Barselona»ga qarshi o‘yinda ishtirok etishga tayyor bo‘lishadi.
Jurnalist Aranka Rodriges bergan ma’lumotlarga ko‘ra, Bellingemning «Braga» bilan o‘yinda olgan jarohati jiddiy bo‘lmagan. Xoselu ham yaxshi, shuning uchun u ham «el-klasiko»ga tayyor bo‘lishi kerak.
Eslatib o‘tamiz, Bellingem «Real Madrid»ning joriy mavsumdagi eng yaxshi to‘purari hisoblanadi. Uning hisobida barcha musobaqalarda 11 ta gol va 3 ta golli uzatma bor. Xoselu barcha musobaqalarda 5 ta gol urdi va 2 ta golli uzatmani amalga oshirdi.
