«Реал Мадрид» футболчилари Жуд Беллингем ва Хоселу Испания чемпионати доирасида келаси шанба куни сафарда бўлиб ўтадиган «Барселона»га қарши ўйинда иштирок этишга тайёр бўлишади.

Журналист Аранка Родригес берган маълумотларга кўра, Беллингемнинг «Брага» билан ўйинда олган жароҳати жиддий бўлмаган. Хоселу ҳам яхши, шунинг учун у ҳам «эл-класико»га тайёр бўлиши керак.

Эслатиб ўтамиз, Беллингем «Реал Мадрид»нинг жорий мавсумдаги энг яхши тўпурари ҳисобланади. Унинг ҳисобида барча мусобақаларда 11 та гол ва 3 та голли узатма бор. Хоселу барча мусобақаларда 5 та гол урди ва 2 та голли узатмани амалга оширди.