Chempionlar ligasi guruh bosqichining 3-turida amaldagi kubok sohibi Angliyaning “Manchester Siti” jamoasi “Yang Boyz” mehmoni bo‘lib, 3:1 hisobida g‘alaba qozondi.
Norvegiyalik hujumchi Erling Xoland ikkita gol urib, Chempionlar ligasida urgan gollari sonini 37 taga yetkazdi. U buni 23 yoshu 96 kunligida amalga oshirib, Kilian Mbappening oldingi rekordini olti oy avvalroq yangiladi – fransuz Chempionlar ligasidagi 37-golini 23 yoshu 295 kunligida kiritgandi.