«Portu» bosh murabbiyi Serxio Konseysau YECHL guruh bosqichi doirasida Belgiyaning «Antverpen» jamoasiga qarshi o‘yindan so‘ng jurnalistlar bilan suhbatlashdi. Portugallar 4:1 hisobida ishonchli g‘alaba qozonishdi.
«Jamoa birinchi bo‘limda o‘z o‘yinini ko‘rsata olmadi, o‘z futbolchilarimni tanimadim. Ammo tanaffusdan keyin hammasi yaxshi edi, men ular bilan faxrlanaman.
Jamoa yaxshilandi va ancha dadil o‘ynay boshladi. Biz odatdagi futbolimizni ko‘rsatdik. Keyingi bahslarda ham boshidan shunday o‘yin ko‘rishni istayman», - deya mutaxassisning so‘zlarini keltiradi UYEFA matbuot xizmati.
