«Порту» бош мураббийи Серхио Консейсау ЕЧЛ гуруҳ босқичи доирасида Бельгиянинг «Антверпен» жамоасига қарши ўйиндан сўнг журналистлар билан суҳбатлашди. Португаллар 4:1 ҳисобида ишончли ғалаба қозонишди.
«Жамоа биринчи бўлимда ўз ўйинини кўрсата олмади, ўз футболчиларимни танимадим. Аммо танаффусдан кейин ҳаммаси яхши эди, мен улар билан фахрланаман.
Жамоа яхшиланди ва анча дадил ўйнай бошлади. Биз одатдаги футболимизни кўрсатдик. Кейинги баҳсларда ҳам бошидан шундай ўйин кўришни истайман», - дея мутахассиснинг сўзларини келтиради УЕФА матбуот хизмати.
