"Real Madrid" yarim himoyachisi Toni Kroos "Barselona"ga qarshi o‘yinni asosiy tarkibda boshlashi kutilmoqda.
Diario AS nashri xabariga ko‘ra, "qirollik klubi" bosh murabbiyi Karlo Anchelotti nemis futbolchisini asosiy tarkibga qo‘yib yuborishga qaror qilgan.
Eslatib o‘tamiz, Kroos joriy mavsum "Real Madrid"da asosiy tarkib futbolchisi emas. Biroq, "Barselona" bilan eng muhim safar uchrashuvida Toni birinchi daqiqalardanoq maydonga tushishi kerak.
Kroosning "Qirollik klubi" bilan shartnomasi yozda tugaydi. Joriy mavsumda germaniyalik yarim himoyachi Ispaniya chempionatida o‘nta o‘yin o‘tkazib, bitta gol va uchta golli uzatmaga mualliflik qildi.