"Реал Мадрид" ярим ҳимоячиси Тони Кроос "Барселона"га қарши ўйинни асосий таркибда бошлаши кутилмоқда.
Diario AS нашри хабарига кўра, "қироллик клуби" бош мураббийи Карло Анчелотти немис футболчисини асосий таркибга қўйиб юборишга қарор қилган.
Эслатиб ўтамиз, Кроос жорий мавсум "Реал Мадрид"да асосий таркиб футболчиси эмас. Бироқ, "Барселона" билан энг муҳим сафар учрашувида Тони биринчи дақиқаларданоқ майдонга тушиши керак.
Крооснинг "Қироллик клуби" билан шартномаси ёзда тугайди. Жорий мавсумда германиялик ярим ҳимоячи Испания чемпионатида ўнта ўйин ўтказиб, битта гол ва учта голли узатмага муаллифлик қилди.