"Real"ning sobiq futbolchisi Guti "Los-Blankos" yarim himoyachisi Jud Bellingemni dunyoning eng yaxshi futbolchisi deb bilishini tan oldi.

“Hech ikkilanmasdan aytamanki, Bellingem ayni damda dunyoning eng yaxshisi. "Oltin to‘p"? Muammo shundaki, u eng yaxshi to‘purarlarga beriladi, shuning uchun u bu sovrinni qo‘lga kiritish uchun yil davomida gol urishi kerak bo‘ladi”, dedi Guti.

Eslatib o‘tamiz, o‘tgan yozda 20 yoshli yarim himoyachi Dortmundning "Borussiya"sidan "Real"ga o‘tgan edi. Joriy mavsumda Bellingem barcha musobaqalarda 12 ta o‘yinda maydonga tushib, 11 ta gol va 3 ta golli uzatmaga mualliflik qilgan.