"Реал"нинг собиқ футболчиси Гути "Лос-Бланкос" ярим ҳимоячиси Жуд Беллингемни дунёнинг энг яхши футболчиси деб билишини тан олди.
“Ҳеч иккиланмасдан айтаманки, Беллингем айни дамда дунёнинг энг яхшиси. "Олтин тўп"? Муаммо шундаки, у энг яхши тўпурарларга берилади, шунинг учун у бу совринни қўлга киритиш учун йил давомида гол уриши керак бўлади”, деди Гути.
Эслатиб ўтамиз, ўтган ёзда 20 ёшли ярим ҳимоячи Дортмунднинг "Боруссия"сидан "Реал"га ўтган эди. Жорий мавсумда Беллингем барча мусобақаларда 12 та ўйинда майдонга тушиб, 11 та гол ва 3 та голли узатмага муаллифлик қилган.