“Roma” hujumchisi Stefan El-SHaaraviy Yevropa ligasining 3-turida “Slaviya” ustidan qozonilgan g‘alabadan so‘ng (2:0) jamoadoshi Romelu Lukakuni maqtadi.
"Lukaku ajoyib hujumchi va ajoyib hujumchilar bilan o‘ynash yoqimli, biz yaxshi munosabatda bo‘ldik. Birinchi bo‘limda yana bir nechta gol urish orqali o‘yin natijasini hal qilishimiz mumkin edi. Ammo umuman olganda biz o‘yindan mamnunmiz.
Qiyin damlarda biz bir jamoa bo‘lib harakat qilamiz, adashib qolmaymiz, xatolarni takrorlamaslik uchun tahlil qilamiz. Bizning kuchimiz doimo birlikda bo‘lgan. Biz o‘yinlarni tahlil qildik, hali qiladigan ishlarimiz ko‘p", - deya El-SHaaraviydan iqtibos keltiradi UEFA matbuot xizmati.
