«Hilton Tashkent City» mehmonxonasida O‘zbekiston futbol assosiasiyasi, FIFA yuridik bo‘limi, Rossiyaning «SILA International Lawyers» xalqaro yuridik kompaniyasi, Sport Arbitraj Sudi hamkorligidagi «Huquq va Sport» nomli xalqaro seminar boshlandi.
Unda ma’ruzachilar sifatida xorijning bir qator taniqli sport huquqshunoslari, jumladan FIFA ekspertlari, «SILA International Lawyers» xalqaro yuridik kompaniyasi vakillari, Sport Arbitraj Sudining arbitrlari, Rossiyaning «Dinamo» hamda «Zenit» futbol klublarining yuridik bo‘limlari rahbarlari ishtirok etmoqda.
Tadbirni O‘zbekiston futbol assosiasiyasining birinchi vise-prezidenti Ravshan Ermatov ochib berdi:
«Sport huquqshunosligi bo‘yicha o‘tkazilayotgan seminarni tashkil etishda ko‘maklashgan xalqaro tashkilotlar hamda spikerlarga ushbu tashabbusni qo‘llab-quvvatlagani uchun minnatdorchilik bildiraman. Markaziy Osiyoda yuqori malakali futbol mutaxassislari juda ko‘p va ular o‘z professional darajasini oshirib borishni istashadi. O‘ylaymanki, ushbu seminar barcha uchun juda foydali bo‘lishiga va mintaqamizda futbol rivojiga o‘z hissasini qo‘shishiga ishonamiz. Kelajakda klublarimiz huquqshunoslari shartnomalar tuzishda, xalqaro huquqiy hujjatlar rasmiylashtirishda yuqori standartlarga mos faoliyat olib borishiga yordam beradi», dedi Ravshan Ermatov.
O‘z navbatida, Osiyo futbolidagi yangi talab va tashabbuslar haqida OFK yuriduk qo‘mitasi a’zosi Oybek Kasimov to‘xtalib o‘tdi. Seminarda hududiy assosiasiyalar hamda professional klublar vakillari ishtirok etib, kerakli ma’lumotlarga ega bo‘lishmoqda», – dedi Irmatov.
