"Chelsi" bosh murabbiyi Maurisio Pochettino yarim himoyachi Konor Gallaxerning yangi shartnomasi bilan bog‘liq vaziyat haqida fikr bildirdi.
Angliyalik futbolchining amaldagi shartnomasi 2025 yilgacha mo‘ljallangan, biroq yarim himoyachining joriy mavsumdagi ishonchli o‘yini klub rahbariyatini shartnomani uzaytirish zarurligiga ishontirdi.
"Klub va futbolchining niyati va rejalari, ikkala tomon ham nimani his qilayotganini baholash kerak. Klub va futbolchi o‘zini yaxshi his qilganda kelishuvga erishiladi. Albatta, Konor ajoyib o‘yin ko‘rsatmoqda, biz undan juda mamnunmiz", - deya argentinalik murabbiyning so‘zlarini keltiradi Evening Standard.
Joriy mavsumda Konor Gallaxer “Chelsi”ning 11 ta o‘yinida 2 ta golli uzatmani amalga oshirdi.
