«PSJ» yanvar oyidagi transfer oynasida hujumchisi Ugo Ekitike bilan xayrlashmoqchi.
Jurnalist Adriyen Greniyerning xabariga ko‘ra, Parij klubi fransiyalik yosh futbolchidan qutulmoqchi.
Ekiteke «PSJ» bosh murabbiyi Luis Enrikening rejalariga kirmaydi. Buni Ugoning joriy mavsumda Fransiya chempionatida atigi bitta o‘yin o‘tkazgani ham yaqqol tasdiqlaydi.
Eslatib o‘tamiz, o‘tgan yozda Ekitike «PSJ»ni tark etishga yaqin kelgandi, ammo uning Frankfurtning «Ayntraxt» klubiga o‘tishi amalga oshmay qoldi.
Shu bilan birga, hujumchining xizmatlariga Italiya A Seriyasi klublari ham qiziqish bildirishgan.
