«ПСЖ» январь ойидаги трансфер ойнасида ҳужумчиси Уго Экитике билан хайрлашмоқчи.
Журналист Адриен Грениернинг хабарига кўра, Париж клуби франциялик ёш футболчидан қутулмоқчи.
Экитеке «ПСЖ» бош мураббийи Луис Энрикенинг режаларига кирмайди. Буни Угонинг жорий мавсумда Франция чемпионатида атиги битта ўйин ўтказгани ҳам яққол тасдиқлайди.
Эслатиб ўтамиз, ўтган ёзда Экитике «ПСЖ»ни тарк этишга яқин келганди, аммо унинг Франкфуртнинг «Айнтрахт» клубига ўтиши амалга ошмай қолди.
Шу билан бирга, ҳужумчининг хизматларига Италия А Серияси клублари ҳам қизиқиш билдиришган.
