"Kalyari" A Seriya 10-turidan o‘rin olgan uchrashuvda o‘z maydonida "Frozinone"ni mag‘lub etdi - 4:3.

Dastlab 0:3 hisobida ortda borayotgan "Kalyari" yakunda g‘alabani o‘z tomoniga og‘dirdi. Mehmonlar safida Matias Sule dubl qayd etdi va Marko Breshiani bir golga mualliflik qildi. Mezbonlardan Gaetano Oristanio va Antuan Makumbu asosiy vaqtda bittadan gol urishdi. Qo‘shib berilgan daqiqalarda “Kalyari” hujumchisi Leonardo Pavoletti dubl qayd etib, jamoasiga g‘alaba keltirdi.

Eldor Shomurodov esa maydonga tushmadi.

Ushbu o‘yindan keyin "Frozinone" 12 ochko bilan Italiya chempionati turnir jadvalida 12-o‘rinda bormoqda. "Kalyari" 19-o‘ringa ko‘tarilib oldi (6 ochko).