"Кальяри" А Серия 10-туридан ўрин олган учрашувда ўз майдонида "Фрозиноне"ни мағлуб этди - 4:3.
Дастлаб 0:3 ҳисобида ортда бораётган "Каляри" якунда ғалабани ўз томонига оғдирди. Меҳмонлар сафида Матиас Суле дубл қайд этди ва Марко Брешиани бир голга муаллифлик қилди. Мезбонлардан Гаэтано Ористанио ва Антуан Макумбу асосий вақтда биттадан гол уришди. Қўшиб берилган дақиқаларда “Кальяри” ҳужумчиси Леонардо Паволетти дубл қайд этиб, жамоасига ғалаба келтирди.
Элдор Шомуродов эса майдонга тушмади.
Ушбу ўйиндан кейин "Фрозиноне" 12 очко билан Италия чемпионати турнир жадвалида 12-ўринда бормоқда. "Кальяри" 19-ўринга кўтарилиб олди (6 очко).
