Turinning “Yuventus” jamoasi o‘ziga xos uslubda, minimal ustunlik bilan Italiya A seriyasining navbatdagi, o‘ninchi turida g‘alaba qozondi. Massimiliano Allegri shogirdlari o‘yin davomida birorta ham gol o‘tkazib yubormaslikning uddasidan chiqib, “Verona”ni mag‘lub etishdi.
Ma’lum bo‘lishicha, "Yuventus" ustozi uchun bu uning jamoasi "quruq" o‘ynagan yuzinchi uy uchrashuvi bo‘ldi. Bu ko‘rsatkich bo‘yicha pragmatist Allegri klub tarixida faqat bitta murabbiy - Jovanni Trapattonidan ortda qolmoqda. Uning 150 ta shunday o‘yinlari bor.
