Туриннинг “Ювентус” жамоаси ўзига хос услубда, минимал устунлик билан Италия А сериясининг навбатдаги, ўнинчи турида ғалаба қозонди. Массимилиано Аллегри шогирдлари ўйин давомида бирорта ҳам гол ўтказиб юбормасликнинг уддасидан чиқиб, “Верона”ни мағлуб этишди.
Маълум бўлишича, "Ювентус" устози учун бу унинг жамоаси "қуруқ" ўйнаган юзинчи уй учрашуви бўлди. Бу кўрсаткич бўйича прагматист Аллегри клуб тарихида фақат битта мураббий - Жованни Трапаттонидан ортда қолмоқда. Унинг 150 та шундай ўйинлари бор.