Huquqlari Turinning "Yuventus" klubiga tegishli bo‘lgan 20 yoshli hujumchi Matias Sule "keksa sinyora" bilan hamkorlikni uzaytirishi mumkin. Bu haqda insayder Nikolo Skira ijtimoiy tarmoqlar orqali xabar bermoqda.
Jurnalistning so‘zlariga ko‘ra, turinliklar rahbariyati futbolchiga 2028 yilning o‘rtalariga qadar amal qiladigan yangi uzoq muddatli mehnat shartnomasini taklif qilmoqchi.
Bu mavsumda Matias "Frozinone"da ijara asosida o‘ynamoqda. Hujumchi Italiya chempionatining sakkizta uchrashuvida qatnashib, beshta gol urdi va bitta golli uzatmani amalga oshirdi.
