Bugun "Oltin to‘p" topshirish marosimi bo‘lib o‘tdi.
Tadbir Parijdagi "Shatle" teatrida bo‘lib o‘tdi.
Lionel Messi faoliyatidagi 8-marta “Oltin to‘p”ni qo‘lga kiritdi. O‘tgan mavsumda Argentina terma jamoasi forvardi "PSJ" safida to‘p tepgan bo‘lsa, hozir "Inter Mayami"da o‘ynaydi.
"Real Madrid" va Angliya terma jamoasi yarim himoyachisi Jud Bellingem dunyoning eng yaxshi yosh futbolchisi uchun kubok sovrinini oldi. Madrid va Braziliya terma jamoasi vingeri Vinisius Junior xayriya ishlari uchun Sokrat mukofotiga sazovor bo‘ldi.
“Aston Villa” va Argentina terma jamoasi darvozaboni Emiliano Martines eng yaxshi darvozabonga beriladigan Lev Yashin mukofotini oldi.
"Manchester Siti" va Norvegiya terma jamoasi hujumchisi Erling Xoland mavsumning eng yaxshi to‘purari uchun Gerd Myuller kubogini oldi.
“Barselona” futbolchisi Aitana Bonmati ayollar o‘rtasidagi “Oltin to‘p”ni qo‘lga kiritdi.
“Manchester Siti” ketma-ket ikkinchi marta “Yil jamoasi” deb topildi, “Barselona” ayollar futboli bo‘yicha sovrinni qo‘lga kiritdi.
"Oltin to‘p" uchun ovoz yig‘ishdagi natijalar:
30. Ruben Diash («Man Siti»)
28-29. Randal Kolo-Muani («Ayntraxt» / «PSJ»)
28-29. Martin Edegor («Arsenal»)
27. Nikolo Barella («Inter»)
26. Djamal Musiala («Bavariya»)
25. Yoshko Gvardiol («RB Leypsig» / «Man Siti»)
24. Bukayo Saka («Arsenal»)
23. Andre Onana («Inter» / «MYU»)
22. Kim Min Chje («Napoli» / «Bavariya»)
21. Antuan Grizmann («Atletiko»)
20. Lautaro Martines («Inter»)
19. Xarri Keyn («Tottenxem» / «Bavariya»)
18. Djud Bellingem («Borussiya Dortmund» / «Real Madrid»)
17. Xvicha Kvarasxeliya («Napoli»)
16. Karim Benzema («Real Madrid» / «Al-Ittixad»)
15. Emiliano Martines («Aston Villa»)
14. Ilkay Gyundogan («Man Siti» / «Barselona»)
13. Yassin Bunu («Sevilya» / «Al-Xilal»)
12. Robert Levandovski («Bavariya»)
11. Moxamed Salax («Liverpul»)
10. Luka Modrich («Real Madrid»)
9. Bernardu Silva («Man Siti»)
8. Viktor Osimxen («Napoli»)
7. Xulian Alvares («Man Siti»)
6. Vinisius Junior («Real Madrid»)
5. Rodri («Man Siti»)
4. Kevin de Bryuyne («Man Siti»)
3. Kilian Mbappe («PSJ»)
2. Erling Xoland («Man Siti»)
1. Lionel Messi («PSJ» / «Inter Mayami»)
2022 yilda Karim Benzema sovringa ega chiqqan edi.
