Argentinalik futbolchi Lionel Messi «Oltin to‘p»ni qo‘lga kiritganidan so‘ng ijtimoiy tarmoqlarda post qoldirdi.
Xabaringiz bor, bu «Oltin to‘p» Messining faoliyatidagi sakkizinchi sovrini bo‘ldi. Seshanba kuni ertalab argentinalik ijtimoiy tarmoqlarda o‘z fikrlarini bildirdi.
«Faoliyatim davomida meni qo‘llab-quvvatlagan barcha insonlarga, shuningdek, doim yonimda bo‘lgan oilamga minnatdorchilik bildiraman.
Men ushbu «Oltin to‘p»ni Argentina terma jamoasidagi hamkasblarim, murabbiylar, xodimlar bilan baham ko‘rmoqchiman.
Chunki biz birgalikda g‘alaba qozondik. Jahon chempionatisiz bu sovrinni qo‘lga kiritishning iloji bo‘lmasdi», – dedi Messi.
