Eron terma jamoasi bosh murabbiyi Amir Galenoi, Eron futboli hozirda moliyaviy tomondan qiyin davrni boshdan kechirayotgani haqida ma’lum qildi.

Murabbiyning so‘zlariga ko‘ra, Eron futbol federasiyasida ahvol shu darajaga yetganki, hattoki xodimlarga maosh to‘lashda qiyinchiliklar paydo bo‘lmoqda.

Shunga qaramasdan, maydon tashqarisidagi muammolar terma jamoaga ta’sir qilmasligiga - Galenoining ishonchi komil.

Galenoi Eron terma jamoasi bosh murabbiyiga aylanganidan beri ilk marta federasiya faoliyatini tanqid ostiga oldi. Keyrush murabbiyligi davrida, federasiya faoliyati - portugaliyalik murabbiy tanqidlarining asosiy ob’ekti bo‘lib kelgan.