Эрон терма жамоаси бош мураббийи Амир Галенои, Эрон футболи ҳозирда молиявий томондан қийин даврни бошдан кечираётгани ҳақида маълум қилди.

Мураббийнинг сўзларига кўра, Эрон футбол федерациясида аҳвол шу даражага етганки, ҳаттоки ходимларга маош тўлашда қийинчиликлар пайдо бўлмоқда.

Шунга қарамасдан, майдон ташқарисидаги муаммолар терма жамоага таъсир қилмаслигига - Галеноининг ишончи комил.

Галенои Эрон терма жамоаси бош мураббийига айланганидан бери илк марта федерация фаолиятини танқид остига олди. Кейруш мураббийлиги даврида, федерация фаолияти - португалиялик мураббий танқидларининг асосий объекти бўлиб келган.