“Chelsi” hujumchisi Armando Broya jarohatidan forig‘ bo‘ldi va bo‘lajak o‘yinda ishtirok etishga tayyor.
22 yoshli futbolchi jarohati sabab "ko‘klar"ning oldingi uchta o‘yinida ishtirok eta olmagandi. Ingliz matbuoti xabariga ko‘ra, albaniyalik futbolchi "Tottenxem"ga qarshi o‘yinda "Chelsi" safiga qaytishi mumkin. Bu ma’lumotni jamoa bosh murabbiyi Maurisio Pochettino ham tasdiqladi.
“U bo‘lajak o‘yinda zaxira o‘rindig‘ida bo‘lishi mumkin. Armando bugun mashg‘ulot o‘tkazdi, so‘nggi bir necha kun ichida u o‘zini yaxshi his qilmoqda, ammo hozircha u o‘ynaydi deb ayta olmayman", - dedi argentinalik mutaxassis.
"Tottenxem" va "Chelsi" o‘rtasidagi uchrashuv 6 noyabr kuni bo‘lib o‘tadi.
