“Челси” ҳужумчиси Армандо Броя жароҳатидан фориғ бўлди ва бўлажак ўйинда иштирок этишга тайёр.
22 ёшли футболчи жароҳати сабаб "кўклар"нинг олдинги учта ўйинида иштирок эта олмаганди. Инглиз матбуоти хабарига кўра, албаниялик футболчи "Тоттенхэм"га қарши ўйинда "Челси" сафига қайтиши мумкин. Бу маълумотни жамоа бош мураббийи Маурисио Почеттино ҳам тасдиқлади.
“У бўлажак ўйинда захира ўриндиғида бўлиши мумкин. Армандо бугун машғулот ўтказди, сўнгги бир неча кун ичида у ўзини яхши ҳис қилмоқда, аммо ҳозирча у ўйнайди деб айта олмайман", - деди аргентиналик мутахассис.
"Тоттенхэм" ва "Челси" ўртасидаги учрашув 6 ноябрь куни бўлиб ўтади.
