«Atletiko» bosh murabbiyi Diyego Simeone Ispaniya chempionatining 12-turi doirasida bo‘lib o‘tgan «Las-Palmas»ga qarshi o‘yin (1:2) borasida o‘z fikrini bildirib o‘tdi.

«Biz yaxshi o‘yin o‘tkazdik. Birinchi bo‘limda golli vaziyatlarni u qadar ko‘p yuzaga keltira olmadik, ikkinchi bo‘limda esa ko‘proq vaziyat yaratdik. Raqib esa ikkita gol urib, bizni muvozanatdan chiqardi. Shunga qaramay, durangga yaqin edik. Buning uchun ko‘p kuch sarfladik. «Las-Palmas» joriy mavsumda yaxshi o‘ynayotganidan xabarimiz bor va shunday bo‘lishi mumkinligini bilardik.

Mag‘lub bo‘layotganimizda nima uchun Grizmann va Kokeni zaxiraga oldim? Ulardan yaxshiroq o‘ynashi mumkin bo‘lgan boshqa o‘yinchilar bor edi. Ushbu o‘zgarishlardan keyin hisobni tenglashtirishga yaqin keldik», — dedi Simeone.

«Las-Palmas» mazkur o‘yindan keyin o‘z ochkolarini 17 taga yetkazib, La liga jadvalida 9-o‘ringa ko‘tarilib oldi. «Atletiko» esa 25 ochko bilan 3-pog‘onani egallab turibdi.