"Barselona" bosh murabbiyi Xavi Ispaniya chempionatining 12-turi doirasida bo‘lib o‘tgan «Real Sosyedad»ga qarshi o‘yin borasida o‘z fikrini bildirib o‘tdi.

«O‘yindan keyingi hissiyotlar ajoyib. Biz yaxshi o‘ynamadik, o‘yinda ko‘p qiynaldik. Ammo ba’zida futbolni tushunish qiyin. O‘tgan haftada «Real»ga qarshi o‘yinda g‘alabaga munosib bo‘lgandik, bugun esa g‘alabaga loyiq emasdik.

O‘yinni yomonni boshladik, ammo o‘ta qimmatli 3 ochkoni qo‘lga kiritdik. Ammo biz o‘yinimizni kuchaytirishimiz kerak.

Bugun kam vaziyat yaratdik, o‘zimizni erkin his eta olmadik. Bugun bizni durang qanoatlantirmasdi. Ammo uchrashuvning so‘nggi 10 daqiqasida jismoniy jihatdan raqibga nisbatan yaxshiroq edik.

Navbatdagi o‘yinlarda Pedri jamoa o‘yinini o‘zgartiradi», – dedi «Barselona» ustozi.