Taniqli insayder Fabrisio Romano «Real» nima uchun, kutilmaganda, Kilian Mbappe borasida bayonot berganini tushuntirdi.
Eslatib o‘tamiz, "Real" ayni paytda "PSJ" hujumchisining transferi borasida muzokara olib bormayotganini ma’lum qildi.
Romanoning so‘zlariga ko‘ra, «Madrid» ushbu bayonotni Mbappe va "PSJ" o‘rtasida keskin munosabat yuzaga kelmasligi uchun bergan. Aslida esa "Real" 2024 yilning yozida Kilian bilan shartnoma imzolashni ko‘zlab turibdi. "Qirollik klubi" uni bepul qo‘lga kiritishga umid qilmoqda.
Mbappening «PSJ» bilan shartnomasi 2024 yilning yozida yakuniga yetadi. Joriy mavsumda u barcha musobaqalar doirasida 13 o‘yinda ishtirok etib, 12 gol va bir assist muallifiga aylandi.