"Chelsi" bosh murabbiyi Maurisio Pochettino "Tottenxem"ga qarshi bo‘lib o‘tadigan o‘yindan oldingi fikrlari bilan o‘rtoqlashdi.
Uchrashuv seshanba kuni "shporlar" maydonida bo‘lib o‘tadi. Uchrashuv Toshkent vaqti bilan soat 01:00da boshlanishi rejalashtirilgan.
"Umid qilamanki, bu o‘yin bizning o‘sishimizni sezilarli darajada tezlashtiradi. Shunday paytlar borki, bitta o‘yin, bitta gol kerakli o‘zgarishlarga turtki bo‘lishi mumkin.
"Chelsi" - qiziqarli loyiha va biz uni muvaffaqiyatga erishish yo‘lini topishga intilamiz. Jamoaning o‘yini allaqachon yaxshilandi, ammo bizda buni natijaga aylantirish imkoniyati yetishmayapti", - dedi Pochettino o‘yindan oldin.
