Mashhur ispaniyalik murabbiy Marselino Garsiya Toral murabbiylik faoliyatida ikkinchi marta La Liganing “Vilyarreal” klubi bosh murabbiyiga aylanadi. Bu haqda jurnalist Anxel Garsiya xabar bermoqda.

Manbaga ko‘ra, mutaxassis mavsum yakunida amaldagi "sariq suv osti kemasi" murabbiyi Paketani almashtiradi. Biroq klub rahbariyati mutaxassisni ertaroq ishdan bo‘shatish ehtimoli yuqori - keyin Marselino mavsum davomida klubni boshqaradi.

Eslatib o‘tamiz, kuz boshida “Vilyarreal” Kike Setyenni ishdan bo‘shatgandi. Hozirda klub Ispaniya chempionati turnir jadvalida 12-o‘rinda bormoqda.

Marselinoning o‘zi bu mavsumni "Marsel"da boshlagan, biroq keyinroq kuzda klubni tark etgandi.