Pep Gvardiola derbidan so‘ng Roy Kinning Erlig Xoland bilan bo‘lgan mojarosiga javob qaytardi.

APLning 10-turida «Manchester Siti» o‘z maydonida «Manchester Yunayted»ni qabul qilib, 3:0 hisobida g‘alaba qozondi.

Xoland ikkita gol urdi va golli uzatmani amalga oshirdi. Maydonni tark etarkan, «Manchester Siti» bosh murabbiyi hujumchi bilan birinchi bo‘limda boshi bilan yo‘llagan zarbasini muhokama qildi - Gvardiolaning fikricha, norvegiyalik futbolchi boshqacha zarba berishi kerak edi.

Roy Kin Gvardiolaning xatti-harakatidan norozi edi: «Bu shou uchun, biz kiyinish xonasida gaplashishimiz mumkin. Faqat tunneldan pastga tushing va g‘alabangizdan zavqlaning», – degandi Kin. U shaxsiy gaplarni kamera oldida gaplashishga qarshi chiqdi. 

«Men Roy Kinni juda hurmat qilaman. Ba’zida o‘yindan keyin tunnelga tushaman, gohida qolaman. O‘yinchi bilan uchrashganimda o‘yinni muhokama qilamiz. U yerda kameralar borligini bilaman.

O‘sha paytda men tashqarida edim, muxlislar bilan g‘alabani nishonlamoqchiman, ayniqsa safarda. Muxlislar uchun «Manchester Yunayted»ga qarshi o‘yin juda muhim.

Balki Roy haqdir, lekin bu narsalar sodir bo‘lib turadi. Gohida tunnelga tushaman, gohida hakamlar bilan salomlashaman – ayni damdagi hislarimga qarab.

Jamoaga qandaydir ta’sir qilish uchun o‘yindan keyin futbolchilarga yaqinlashish shart emas deb o‘ylayman.

Albatta, men buni tunnelda qilishim mumkin edi. Kiyinish xonasida buni ko‘p marta qilganman», dedi «Manchester Siti» bosh murabbiyi.