Madridning “Real” klubi bosh murabbiyi Karlo Anchelotti La Liganing 12-turidan o‘rin olgan “Rayo Valyekano”ga (0:0) qarshi o‘yin natijalarini sarhisob qildi.

“Biz ko‘p vaziyatlar yaratdik, ammo aniqlik yetishmadi. Natijadan hafsalamiz pir bo‘ldi. Menimcha, yaxshi o‘yin bo‘ldi.

Agar Bellingem gol urmasa, jamoa muammoga duch keldimi? Yo‘q, bizda juda ko‘p resurslar bor. Biz vaziyatlar yaratdik, Valverde, Vinisius, Xoselu, Rodrigo buni amalga oshirdi... Bizga biroz aniqlik yetishmadi.

Takror aytaman, o‘yin yaxshi o‘tdi. Qarshi hujumlarni yaxshi nazorat qildik, tajovuzkor bo‘ldik, jamoa yaxshi o‘ynadi, lekin ba’zida gol ura olmay qolasan.

Golning yetishmasligi meni bezovta qilmaydi. Biz qisqa paslar, vertikal paslardan foydalandik, hamma narsani sinab ko‘rdik, lekin natija bermadi, shunday bo‘ladi. Oxirigacha imkoniyatlar yaratish muhim va biz harakat qildik. Men jamoaning charchaganini ko‘rmadim.

Biz o‘yinning borishidan emas, natijadan xafamiz. Ba’zida munosib bo‘lmaganda g‘alaba qozonasiz, ba’zida esa bunga loyiq bo‘lganingizda g‘alaba qozonmaysiz.

Jadvalda hammasi yaxshi, biz kurashyapmiz, Chempionlar ligasida juda yaxshi harakat qilyapmiz. Drama yo‘q", - dedi Anchelotti Marca nashriga.