Londonning “Tottenxem” klubi bosh murabbiyi Ange Postekoglu yarim himoyachi Jeyms Meddison va markaziy himoyachi Mikki van de Venning jarohati qanchalik jiddiy ekanini hozircha bilmaydi.
“Meddison va van de Venning jarohatlari haqida gapirishga hali erta. Biroq, Mikki bilan bog‘liq holda, hamma narsa yomon ko‘rinadi", - deydi Postekoglu.
Eslatib o‘tamiz, Meddison va van de Ven o‘tgan yozda "Tottenxem"ga ko‘chib o‘tishgan va darhol Ange Postekoglu jamoasining asosiy o‘yinchilariga aylanishgan.