Toshkentning "Paxtakor" jamoasi bosh murabbiyi Maksim Shaskix "Axal"ga qarshi o‘yindan so‘ng (1:1) matbuot anjumanida qatnashdi.

"Natijadan qoniqmadim, bizga g‘alaba zarur edi. O‘yin oxirida qiyin vaziyatdan chiqib ketishga urindik. Shunday ajoyib stadionda tabiiy chim yoki hech bo‘lmaganda sifatli sun’iy chimda yo‘qligi ajablanarli. Bunday joyda o‘ynashga qaror qilingan ekan, chimni yaxshi holatda ushlash kerak. Yevropada ham ba’zida bunday maydonlarda o‘ynaladi, ammo sifati juda yaxshi. Bu maydon juda qattiq. Kamchilikda qolgan bo‘lsak-da, oxirgi daqiqalarda o‘yinni o‘zgartirishga intildik. Vaziyatlarimiz bo‘ldi, lekin aniq zarbalar yo‘llay olmadik. Mezbonlar kutilmagan narsa bilan hayron qoldirishmadi, kutilganidek harakat qilishdi.

Kam bo‘lib qolganimizdan keyin hujumni jonlantirish uchun hujumkor futbolchilarni tushirdim. Qizil kartochka borasida e’tirozim yo‘q. Hakam VARni ko‘rgani borayotganda yordamchilarimga maydondan chetlatish bo‘lishini aytdim. O‘yindan keyin bu vaziyat uchun Odil do‘stlaridan uzr so‘radi", - dedi "sherlar" murabbiyi.