"PSJ" himoyachisi Markinyos Chempionlar ligasi doirasida "Milan"ga qarshi o‘yindagi mag‘lubiyat (1:2) haqida fikr bildirdi.
"Biz "Milan" jamoasining o‘yin darajasi haqida bilardik va buni e’tiborsiz qoldirmaslik kerak edi. Bu yuqori saviyadagi o‘yin bo‘ldi. O‘ylaymanki, biz buni yaxshi boshladik, nima bo‘layotganini nazorat qildik va bizga tavsiya etilgan hamma narsani qildik. Biroq, o‘ylaymanki, "Milan" o‘zining kuchli tomonlari bilan o‘ynay oldi: imkon qadar tezroq olg‘a borishga harakat qilib, oldinga borishdi.
Ikkinchi gol esa o‘yinni o‘zgartirib yubordi. Biz yaxshi o‘ynadik va ortiqcha bosimni his qilmadik. Biz Jiruning mahoratini bilamiz. Raqibni qadab qo‘yishga harakat qildik, lekin u barcha erkin zonalarni to‘sib qo‘ydi. Bungacha "Milan" ochiqroq edi va biz bo‘sh joy topa oldik, ammo ikkinchi goldan keyin ular yaxshi himoyalanishdi. Buning uchun nima kerakligini bilishardi. Bu esa biz uchun muammoga aylandi", - dedi Markinyos UYEFA rasmiy saytiga.
