"ПСЖ" ҳимоячиси Маркиньос Чемпионлар лигаси доирасида "Милан"га қарши ўйиндаги мағлубият (1:2) ҳақида фикр билдирди.
"Биз "Милан" жамоасининг ўйин даражаси ҳақида билардик ва буни эътиборсиз қолдирмаслик керак эди. Бу юқори савиядаги ўйин бўлди. Ўйлайманки, биз буни яхши бошладик, нима бўлаётганини назорат қилдик ва бизга тавсия этилган ҳамма нарсани қилдик. Бироқ, ўйлайманки, "Милан" ўзининг кучли томонлари билан ўйнай олди: имкон қадар тезроқ олға боришга ҳаракат қилиб, олдинга боришди.
Иккинчи гол эса ўйинни ўзгартириб юборди. Биз яхши ўйнадик ва ортиқча босимни ҳис қилмадик. Биз Жирунинг маҳоратини биламиз. Рақибни қадаб қўйишга ҳаракат қилдик, лекин у барча эркин зоналарни тўсиб қўйди. Бунгача "Милан" очиқроқ эди ва биз бўш жой топа олдик, аммо иккинчи голдан кейин улар яхши ҳимояланишди. Бунинг учун нима кераклигини билишарди. Бу эса биз учун муаммога айланди", - деди Маркиньос УЕФА расмий сайтига.
