"Реал" бош мураббийи Жозе Моуринью Испания чемпионати 1-туридан қолдирилган "Реал Сосьедад"га қарши учрашувдаги 4:1 ҳисобидаги ғалабадан сўнг хет-трик қайд этган Килиан Мбаппени алоҳида эътироф этди.

"Роналду ёки Мбаппе? Мен футболчиларни таққослашни ёқтирмайман, аммо бу йигит ажойиб. У жаҳон чемпионатлари тарихига ўз номини ёзиб қўйганидан жуда хурсандман. Жаҳон чемпиони бўлган 25 нафар футболчи бор, аммо футбол абадиятида фақат биттаси қолади — энг кўп гол урган ва тарихга кирган футболчи. У "Реал" билан бирга ҳам тарихда ўз номини қолдиришга жуда катта иштиёқ билан интилмоқда.

Мен жуда яхши жамоани кўрдим. Килианни ҳисобга олмасак ҳам, биринчи бўлимдаги қийинчиликларга қарамай, жамоа жуда яхши ҳаракат қилди. Биз жамоа бўлиб ўйнай олдик: кутдик, хотиржамликни сақладик, ихчам ҳаракат қилдик. Тўп назоратини қўлга киритдик, иккинчи бўлимда эса ўйин суръатини янада оширдик", — деди Моуринью. Унинг сўзларини AS нашри келтирди.

Айни пайтда "Реал" 6 очко билан Ла Лига турнир жадвалида етакчилик қилмоқда. "Реал Сосьедад" эса очкосиз 20-ўринда бормоқда.