"Bavariya" prezidenti Gerbert Xayner darvozabon Manuel Noyer va yarim himoyachi Tomas Myullerning klubdagi kelajagi haqida gapirdi.

“Noyer? Agar hamma narsa yaqinda bo‘lgani kabi rivojlansa, yangi shartnomaga qarshi hech narsa yo‘q. Lekin biz hozir Noyerga vaqt beramiz, keyin esa klub rahbariyati u bilan xotirjam o‘tirishadi. U allaqachon o‘zining eng yaxshi formasiga kirishganga o‘xshaydi. Manuel "Bavariya"da nima borligini biladi va biz unda nima borligini bilamiz. Myuller? U klub faxriysi - endi unga o‘xshagan hech kim bo‘lmaydi. Ammo Tomas bilan ham shoshilishning hojati yo‘q. U hammamiz uni qanchalik qadrlashimizni biladi.

Myuller va Noyerni o‘yinni tugatgandan so‘ng klubda boshqa lavozimlarda saqlab qolamizmi? Kelajakda Noyer, Myuller va Bastian Shvaynshtayger kabi futbolchilarni “Bavariya”ga o‘tishini ko‘rishdan xursand bo‘lardim. Bu oilaviy muhit muxlislarimiz va jamoamiz a’zolari tomonidan ham qadrlanadi", - dedi Xayner Bayern and Germany bilan suhbatda.

Noyer 2011 yildan beri "Bavariya"da o‘ynab kelmoqda. Bu vaqt ichida u 491 ta o‘yin o‘tkazib, shulardan 235 tasida o‘z darvozasi daxlsizligini saqlab qolgan, qolganlarida esa 386 ta gol o‘tkazib yuborgan. 37 yoshli darvozabonning klub bilan shartnomasi 2024 yilning yoziga qadar mo‘ljallangan.

Myuller "Bavariya" tarbiyalanuvchisi va akademiyadan asosiy jamoagacha bo‘lgan yo‘lni bosib o‘tgan. 34 yoshli yarim himoyachi nemis klubi safida 679 o‘yin o‘tkazib, 237 gol urgan va 261 golga assistentlik qilgan. "Bavariya" bilan shartnoma 2024 yilning yoziga qadar mo‘ljallangan.