"Бавария" президенти Герберт Хайнер дарвозабон Мануэль Нойер ва ярим ҳимоячи Томас Мюллернинг клубдаги келажаги ҳақида гапирди.
“Нойер? Агар ҳамма нарса яқинда бўлгани каби ривожланса, янги шартномага қарши ҳеч нарса йўқ. Лекин биз ҳозир Нойерга вақт берамиз, кейин эса клуб раҳбарияти у билан хотиржам ўтиришади. У аллақачон ўзининг энг яхши формасига киришганга ўхшайди. Мануэль "Бавария"да нима борлигини билади ва биз унда нима борлигини биламиз. Мюллер? У клуб фахрийси - энди унга ўхшаган ҳеч ким бўлмайди. Аммо Томас билан ҳам шошилишнинг ҳожати йўқ. У ҳаммамиз уни қанчалик қадрлашимизни билади.
Мюллер ва Нойерни ўйинни тугатгандан сўнг клубда бошқа лавозимларда сақлаб қоламизми? Келажакда Нойер, Мюллер ва Бастиан Швайнштайгер каби футболчиларни “Бавария”га ўтишини кўришдан хурсанд бўлардим. Бу оилавий муҳит мухлисларимиз ва жамоамиз аъзолари томонидан ҳам қадрланади", - деди Хайнер Bayern and Germany билан суҳбатда.
Нойер 2011 йилдан бери "Бавария"да ўйнаб келмоқда. Бу вақт ичида у 491 та ўйин ўтказиб, шулардан 235 тасида ўз дарвозаси дахлсизлигини сақлаб қолган, қолганларида эса 386 та гол ўтказиб юборган. 37 ёшли дарвозабоннинг клуб билан шартномаси 2024 йилнинг ёзига қадар мўлжалланган.
Мюллер "Бавария" тарбияланувчиси ва академиядан асосий жамоагача бўлган йўлни босиб ўтган. 34 ёшли ярим ҳимоячи немис клуби сафида 679 ўйин ўтказиб, 237 гол урган ва 261 голга ассистентлик қилган. "Бавария" билан шартнома 2024 йилнинг ёзига қадар мўлжалланган.
