«Roma» bosh murabbiyi Joze Mourinyo Yevropa ligasi guruh bosqichi 4-turida «Slaviya»ga qarshi o‘yindan oldingi fikrlari bilan o‘rtoqlashdi.
«Bizni Rimdagidan ham qiyinroq o‘yin kutmoqda. U yerda biz birinchi daqiqadayoq gol urib, ustunlikka erishdik, yigirma daqiqadan so‘ng 2:0 hisobida oldinda bo‘ldik va o‘yinni nazorat qildik. Bu kuchli va sifatli jamoa, yaxshi tashkil etilgan, yaxshi murabbiyi bor.
Bu go‘zal stadionni ko‘rib, bizga oson bo‘lmasligini angladim», — deya Mourinyoning so‘zlarini keltiradi UYEFA sayti.
