Afsonaviy sobiq murabbiy Visente del Boske Diyego Simeonening «Atletiko» bilan shartnomasi uzaytirilgani haqida fikr bildirdi.
Yaqinda Madrid klubi argentinalik murabbiy bilan 2027 yilgacha amal qiladigan yangi shartnoma imzolaganini rasman e’lon qilgandi.
«Murabbiyning hissasi ko‘pincha kam baholanadi, ammo muvaffaqiyatsizlikka uchragan taqdirda hamma ayb odatda unga tushadi.
Bu holatda, «Atletiko» ishlari yaxshi bo‘lmaganida unga nisbatan ishonchni saqlab qolishga muvaffaq bo‘ldi va og‘ir vaqtlarda uni himoya qildi.
Simeonening vaziyatini boshdan kechirish oson emas. U o‘zining yondashuviga ishondi, lekin eng muhimi, futbolchilar unga ishonishdi», - deya del Boskening so‘zlarini keltiradi ispan OAV.
