Angliya chempionatining o‘n ikkinchi turida “Vulverxempton” o‘z maydonida Londonning “Tottenxem” jamoasini mag‘lub etib, sensasiyani namoyish etdi. "Bo‘rilar" bosh murabbiyi Gari O'Nil muvaffaqiyatdan xursand bo‘ldi va bu uning jamoasining taxminan bir yil oldin klubni boshqarganidan beri eng yaxshi o‘yini ekanligini aytdi.

"Klub boshqaruvini qo‘lga olganimdan beri o‘yinchilar bilan har qachongidan faxrlanaman. O‘yinning dastlabki besh daqiqasini hisobga olmaganda, biz yaxshiroq o‘ynadik. Ammo o‘yin tugashiga sanoqli daqiqalar qolib, mag‘lubiyatga uchraganimizda ham men xotirjam va o‘zimga ishongandim. Hisobni tenglashtirish va keyin g‘alaba qozonish aql bovar qilmaydigan narsa", - deya O'Nil so‘zlarini keltiradi BBC Sport.