"Manchester Yunayted" bosh murabbiyi Erik ten Xag jamoaning APLdagi navbatdagi o‘yinini o‘tkazib yuboradi. Sababi sariq kartochkalarning ko‘pligi. Shanba kungi "Luton Taun"ga qarshi o‘yinda ten Xag joriy mavsumdagi uchinchi ogohlantirishini oldi. Endi u o‘z diskvalifikasiyasini o‘tkazishi kerak.
“Bu yaxshi emas, lekin biz “Everton”ga qarshi o‘yinga yaxshi tayyorgarlik ko‘rishimizga ishonchim komil. Mening murabbiylar shtabim o‘z zimmasiga oladi, ular bu ish uchun juda malakali”, - dedi Ten Xag.
“Manchester Yunayted” – “Everton” uchrashuvi 26 noyabr, yakshanba kuni “Gudison Park”da bo‘lib o‘tadi.