Italiyalik mutaxassis Vinchenso Montella vatani Italiyada hammasi yaxshi bo‘lmaganidan keyin Turkiya chempionatida ishlashga qaror qilgandi. Shundan so‘ng o‘ziga bo‘lgan hurmat sezilarli darajada oshirganini tan oldi.
«Ular bu yerda futbolni ajoyib ishtiyoq bilan kuzatib borishadi. Odamlar meni ko‘chada taniydilar, quchoqlashadi.
Men esa, o‘z navbatida, ular uchun hamma imkoniyatimni ishga solishga harakat qilaman. Turkiyada men Italiyada qila olmagan ishlarimni qilaman va bundan mamnunman, u yerda mening ishim noto‘g‘ri baholangan.
Men Italiyada ajoyib natijalarga erisha olmadim, ammo bu mening aybim emas», - deya Montellaning so‘zlarini keltiradi Italiyaning ITASportPress agentligi.