Xabaringiz bor, joriy mavsumda bir qancha taniqli va tajribali futbol hakamlarimiz — Vadim Agishev, Damir Iskenderov, Jalgasbay Sarsenov hamda Bektursin Kannazarov hakamlikdagi faoliyatlarini tugatishgan edi. Kechagi O‘zbekiston kubogi final bahsida bu mavsum faoliyatini yakunlagan tajribali hakamlarimiz soni 5 taga yetdi.
20 yildan ziyod vaqt davomida hakamlik sohasida faoliyat ko‘rsatgan, bosh hakam yordamchisi sifatida qator mavsumlar o‘tkazgan Olim Abduvasilov hakamlikdagi faoliyatini yakunlashga qaror qildi va kecha ko‘zda yosh bilan maydonni tark etdi. Final so‘ngida o‘tkazilgan taqdirlash marosimida unga alohida ehtirom ko‘rsatilib, milliy zarchopon hamda maxsus esdalik sovg‘asi topshirildi.
"Olim Abduvasilovga futbol hakamligidagi xizmatlari uchun tashakkur aytgan holda kelgusidagi ishlariga rivoj tilab qolamiz" - deyiladi O‘zbekiston futbol hakamlari markazi bayonotida.
