"Yuventus" yarim himoyachisi Ueston Makkenni klub bilan shartnomasini uzaytirishi mumkin.

Amerikalik futbolchi "Lids"da ijaradan qaytgach, "byankonerilar"ning asosiy tarkibidan joy olishga muvaffaq bo‘ldi. TMW news xabariga ko‘ra, klub rahbariyati Makkenni bilan shartnomani uzaytirish imkoniyatini ko‘rib chiqmoqda - yarim himoyachi vakillari bilan uchrashuv oy oxirigacha bo‘lib o‘tishi kerak. Yangilangan kelishuv 2027 yoki 2028 yilgacha amal qilishi kutilmoqda. Qolaversa, 25 yoshli futbolchi maoshining biroz oshishiga ham umid qila oladi.

Ueston Makkennining amaldagi shartnomasi 2025 yilning o‘rtalarida tugaydi. Futbolchi joriy mavsumda 12 ta o‘yinda 1 ta golli uzatmani amalga oshirdi.