"Manchester Yunayted"ning sobiq futbolchisi Antonio Valensiya Londonning "Chelsi" jamoasida to‘p tepayotgan yarim himoyachi Moyses Kaysedoning saviyasi haqida o‘z fikri bilan o‘rtoqlashdi.
“Moyses dunyoning eng yaxshi 5 ta yarim himoyachisidan biri. U "Chelsi" bilan mavsumoldi mashg‘ulotlarini o‘tkazmagan, ammo bu mavsumdagi o‘yinlari tobora yaxshilanmoqda. Terma jamoada ham Kaysedo yuqori saviyada o‘ynaydi. Umid qilamanki, bu yigit o‘sishda davom etadi", - dedi Valensiya.
Angliya Premyer-ligasining joriy mavsumida 22 yoshli ekvadorlik futbolchi o‘nta o‘yin o‘tkazib, uchta sariq kartochka oldi.
